New Delhi, February 12: Mumbai Police logotey ekta call ahisey kuntu te call kora manu para Prime Minister Modi United States jabole ageyte tailaga airplane te ekta atangwadi hamla kuribole dhomki disey. Mumbai Police Control Room logotey aha etu dhomki diya laga call te koisey ki atangwadi khan para PM laga plane te hamla kuribo parey.
Etu picheyte, police para logalog security agency khan ke inform kuridisey aro PM US jabole ageyte etu situation ke handle kuribole nimitey ekta investigation(jaanch) suru kuridisey.
Mumbai police para ekta statement te enaka koisey, “February 11 te, Mumbai Police Control Room te ekta call ahisey kuntu te warning disey ki atangwadi khan para PM Modi laga hawai jahaj te attack kuribo parey, tai official(kaam nimitey) dusra desh visit kuribole jabole thaka homoitey. Etu information bisi serious thaka nimitey, Police para dusra agency khan ke inform kuridisey aro ekta investigation suru kurisey.”
Police para call kora manu ke arrest kurisey. Aro etu janibole paisey ki etu manu tu dimak thik nathaka manu thakisey.
PM Modi tu France aro United States te char-din laga trip te jaikina asey.
PM Modi tu first France te jaisey kotey tai pungcha picheyte France te thaka Indian manu khan para tailaga swagat bhal para kurisey. PM Modi para French President Emmanuel Macron ke lok kurisey aro milikina AI Action Summit aro Paris te 14th India-France CEOs Forum lead kurisey.
Wednesday te, PM Modi para Indian-origin Google CEO Sundar Pichai ke AI Action Summit chulithaka homoitey lok kurisey kotey taikhan duijun tu AI para India nimitey “bisi bhal opportunituies’ anibole para laga bari te discuss kurisey.
Etu Google CEO para kinaka Google aro India eksath kaam kurikina India te digital transformation anibole paribo etu laga bari te bi discuss kurisey.
Add Comment