Mumbai pora Vijay Hazare Trophy jetise

Agencies, 20 October: Saturday din Mumbai pora Vijay Hazare Trophy title jetise. Tai khan  final deh Delhi logode 4 wickets pora jeti lowah thakise. Mumbai khan last time jeta toh Rajasthan logode thakise. Mumbai nemide Aditya Tare pora half century sosta pora mara karni jeta deh motob paise. Toss jeta bechide bowl first juna toh Mumbai thakise. Mumbai nemide Shivam Dubey (3/29) aro Dhawal Kulkarni (3/30) tinta-tinta wicket lowah karni Delhi toh 45.4 overs deh 177 score pora sob out howah thakise. Tare pora 71 balls deh 89runs mara karni aro Siddesh Lad (48) logode meli kena 105 runs bona karni Mumbai toh 15 over bachi kena jeti lowah thakise. 178 deh kethai thaga, Mumbai laga Prithvi Shaw toh third ball deh eight karni out howah thakise. . Ajinkya Rahane(10), captain Shreyas Iyer (7) aro  Suryakumar Yadav (4) be sosta pora Saini aro Kulwant Khejrolia laga haat pora out howah thakise. Etu pora Mumbai deh 7.4 overs deh 40/4 pora chari deya thakise. Etu agae deh Delhi toh ektum beya pora suru howah thakise. Captain Gautam Gambhir  toh second over time deh ekta pora out howah thakise. Aro etu bechide Unmukt Chand (13) aro Manan Sharma (5) toh sosta pora out howah thakise. Delhi khan six overs time deh 21 runs pora tinta out howah thakise. Hoilebe Nitish Rana (13) aro Dhruv Shorey (31) out nahowah agae deh 60 runs bonabole para thakise. Shorey be eman deri nathaki kena out howah thakise. Etu bechide Delhi karni Pawan Negi (21), Subodh Bhati (25) aro Himmat Singh (41) toh 177 run bonai kena out howah thakise.