New Delhi: Mumbai te paani bishi gira nimete din toh olop dikdaar hoijaishe manu khan nimete etu te ek jun toh actor Bhumi Pednekar ase .
Etu te bishi wala raasta toh paani jaama hoikena ase etu para public aro actor khan bi dukh paishe bahar olabole nimete .Wednesday din te etu 29 sal actor para ekta video tai laga instagram story te share kurishe etu te tai ke paani jamaa huwa raasta te tai laga gaari phasikena thakishe.
Bhumi para share kurishe ki tai toh Khopoli te jai thakishe shoot kuribole nimete hoilebi etu toh char ghonta hoishe tai gaari te thaka toh.Tai likhishe ” raasta te bishi diri rukhi ase Khopoli te shoot nimete jabole karne .”
Bhumi hi nohoikena Vicky Kaushal bi etu raasta te paani jamaa para jai thakishe aro etu video toh instagram story te share kurishe.
Etu paani gira para city laga kunba events khan bi biya hoishe .Etu Karan Deol aro Sahher Bambba starrer ‘Pal Pal Dil Ke Paas’ and ‘Kirket’ laga trailer launch bi akhe kuri disepaani gira nimete .
20th Homecoming Edition NEXA IIFA Awards 2019, laga official press conference kuntu toh Wednesday din te lobole thaka toh akhe kurishe bishi paani gira nimete .
Add Comment