Mumbai, February 23: Honey Singh laga bisi homoi para intazar thaka Millionaire India Tour tu Saturday rati para suru hoisey. Etu singer-rapper para Mumbai audience ke ekta energetic performance disey. Mumbai audience para taikey dangor cheer aro morom para swagat kurisey.
Etu show para bisi video aro picture khan internet te viral hoiasey. Etu khan sob majotey ekta video tu bisi attention pai asey, aro etu te olop drama shamil asey. Etu video te, Honey Singh ke rappers Badshah aro Raftaar laga mazak uraithaka dikhibo parey.
Yo Yo Honey Singh para enaka koisey, “Bisi manu khan para enaka koi ki taikhan duijun amilaga bhai asey. Bisi manu khan koi ki ami wapas khara hobo naparibo. Aro koi ki taikhan duijun para amilaga gana likhey. Aro enaka koi ki taikhan duijun para amilaga kismat likhibo.”
Honey Singh para continue kurikina enaka koisey, “Toh etu opor te ekta sher hunabo? Video banaikina taikey tag kuribi. Juwa saal amilaga kismet para bisi manu laga phutani bhangaidisey. Etya tuikhan ke wapas khara hobole lagibo.”
Etu picheyte, tai para audience khan ke tailaga kotha complete kuribole koisey.
Honey Singh, Badshah aro Raftaar laga majotey problem chulithaka tu nutun nohoi. Etu mamla tu almost 10 saal purana asey. India Today te kora ekta purana interview te etu laga bari te, Honey Singh para enaka koisey, “Manu khan amikey Badshah logotey chulithaka kajiya aro jhamila laga bari te hudi thakey. Ekta kajiya tu titya hoi jitya duijun manu bi shamil thakey, hoilebi 10 years nimitey, ekjum manu para amikey diktar kuri thakisey, amilaga bimari laga majak uraikina hoilebi ami kitya bi jawab diyanai. Etu saal, 2024 para hey ami muk khulibole suru kurisey aro etu bi amilaga fan khan nimitey.”
Honey para koisey ki tai akhirkar tailaga mukh khulisey, tailaga fan khan nimitey. Tai para koisey ki tai taikhan ke aro taikhan laga kotha te biswas nokorey.
2024 te, Badshah para Dehradun te huwa ekta show te koisey ki tai tu Honey Singh logotey wapas mila-mili kuribole mon asey.
Add Comment