Mumbai te 5 din beche COVID cases 400 neji lamishe

Mumbai: Monday din financial capital te 379 notun coronavirus positive cases thurishe aro 5 jun mora khobor paishe aro etu samai 417 bemar manuh bhal hoishe, koikena Brihanmumbai Municipal Corporation (BMC) official para khobor toh janai thishe. Mumbai te etu cases melaikena itya 7,46,725 bemari cases ase aro 15,998 manuh bemar para morikena ase aro etu oper te 7,24,494 bemar bhal hoikena ase koishe. Mumbai te hotai din laga COVID-19 cases toh September 1 darik dak te 400 oper thakishe, hoilebi 5 din gap thaka beche, Mumabi te Monday din dak te 400 cases neji lamishe. Mumabi te 496 notun cases aro tui(2) jun mora khobor paishe. COVID-19 tests komti lowa nemite cases toh komti thura hobo, keli koile Sunday din te 43,117 tests toh metropolis te loishe. Mumbai te 24 gonda pithor te sob melaikena 31,577 COVID-19 tests loishe aro itya dak te 94,64,536 samples tested loikena ase,” koikena officials para aro janaishe. Itya Mumbai te 3,771 active COVID-19 cases ase. Mumbai te in COVID-19 bemar toh asti para othi-ase, keli koile August 16 drik te 190 cases thura toh April 2020 beche sobse komti wala ase. Itya samai, Mumbai te 44 buildings sealed hoikena ase aro containment zones toh zero te ase. Mumbai laga average recovery rate toh 97 per cent te ase. COVID-19 cases laga average doubling rate toh 1,290 din neshina lamishe. Average growth rate cases toh 0.6 per cent ase aro etu August 30 para September 5 darik dak thakishe, koikena BMC officials para janaishe.