Mumbai: Sunday din Mumbai Narcotics Control Bureau (NCB) para alleged drug peddler ek jun logot drugs 1 crore laga daam logot thurishe. Etu manuh laga nam toh Hussain Bi ase koikena jenishe. Khobor powa nemite NCB Mumbai team khan para Nagpada Junction osor, Mimbai te etu maiki logot 1.8 Kg hashish toh Nagpada junction, Mumbai te thurishe, koikena Narcotics Control Bureau (NCB) para khobor toh janaishe. Preliminary investigation kora hesab te thura hashish toh Jammu & Kashmir para aha laga ase koishe. “operation kam kora samai, drug mafias khan para maiki aro bacha manuh ke drugs trafficking te choi thaki,” koikena Mumbai NCB Zonal Director, Sameer Wankhede para khobor toh janaishe. NCB para etu nemite case registered korishe aro interrogation jai ase koishe. Dosura operation ekta te July 10 darik te Narcotics Control Bureau (NCB) para Mumbai osor Mahim jaga te operation korikena 1 jun drug peddler Wasim Mohammad Shamim Nagor koikena Mahim beach para hashish quantity alag-alag thurishe koishe. “Mahin osor te thaka manuh khan para complaint kora hesab te, NCB officials para sai thakina thurishe. NCB team para koishe ke, bacha aro jawan khan etu kam te samil ase koishe. Bacha khan ke drugs jolaboli heka nemite parents para comlaint thishe,” koikena Wankhede para janaishe. Preliminary investigation kora hesab te drug peddler khan para drugs toh etu jaga te bacha logot beka boli thikena asti para etu bacha khan drugs addict hoi koishe. Etu nemite investigation jai ase koishe.
Add Comment