Mumbai te ghor kerikena 11 jun morishe

June 10, 2021. Wednesday rathi samai, Malad West Mumbai, new Collector compound te residential ghor ekta kerikena komti hoilebi 11 jun manuh morishe, etu pithor te 8 jun bacha samil ase aro dosura 8 jun manuh jokom paishe, etu khobor toh Brihanmumbai Municipal Corporation (BMC) para junaish . Brihanmumbai Municipal Corporation (BMC) laga khobor hesab te etu ghor kira para dosura asor ghor be jowa nemite itya “besi kathara halat” te ase, koikena municipal corporation para koishe. Osor ghor te jokom powa manuh khan ke dosura jaga te loikena jaishe. Itya manuh khan pasikena thaka pesari ase koishe. Jokom hoikena thaka manuh khan ke to BDBA hospital te shifted korishe. “15 jun pithor te maiki aro bacha khan ke etu jaga para othaishe aro hospital te loikena jaishe. Aro bapana hesab te dosura besi manuh pithor te thakiboli pareh koishe. Teams khan manuh ke pachaboli ahikena ase,” koikena Vishal Thakur, Deputy Commissioner of Police (DCP) Zone 11, Mumbai, para koishe. Etu incident howa jaga te Maharashtra Minister Aslam Shaikh, be pongchise aro tai para koishe, “ghor toh paani besi pura nemite kira ase, manuh ke pesari kam soruh hoishe. Jokom powa manuh khan ke elaj nemite hospital te loikena jaishe. Ghor laga tokora saman toh hatai ase jodi manuh khan pithor te ase naa nai.”. Siddiqui koikena etu jaga te thaka manuh para etu incident toh 10 pm samai howa ase koishe. “incident toh 10:15 pm samai hoishe, tui(2) jun manuh para etu building para bahar olaboli kowa nemite bahar jaishe, ami olai thaka samai, tin(3) ghor eke logot kira thikishe,” koikena tai para khobor toh janaishe.