MUMBAI:
Police koishe 70-year-old maiki(woman) murishe aro 19 manu khan hospitalized hoishe. Hospitalized huwa khan para duijon toh bishi serious ase. Etu toh Sunday te high-rise building Mahalaxmi Racecourse south Mumbai te jui laga para ase.
Jui toh Sunday early hours te lagishe. Officials koishe jui toh 18-storey Samrat Ashoka building laga third floor te lagishe. Etu building toh Keshavrao Khade Marg jaga te ase.
Khobor hesab te jui toh electrical wires third floor te short kora para lagishe.
Officials koishe jui aro smoke karne 96 residents tai khan laga flats te fashi jaishe. Jui te bacha manu khan ke bachabole Fire Brigade para rescue operation 3 am te launch korishe. 50 manu khan ke opor floors para staircase para niche namaishe. Special devices use kori kena dushra four manu ke bachaishe.
Bacha manu khan ke osor laga hospital te loi jaishe. Hospital te loija manu khan majote Laxmibai Koli (70) treatment kora samay te morishe. Official koishe 77 residents khan hospital para discharge hoishe 19 manu khan toh etiya bhi hospital te admit ase.
Official koishe Bhatia Hospital te admit huwa duita manu critical ase. 6am te jui toh namabole parishe.
Add Comment