Mumbai te landslide para 11 jun jaan jaishe

July 18, 2021. Sunday pujur te Mumbai laga Chembur’s Bharat Nagar jaga te landslide para 11 manuh neshina morishe, koikena National Disaster Response Force (NDRF) para khobor toh janaishe. Mumbai’s fire brigade team be etu incident howa jaga te jaikena 16 manuh ke Chembur te wall kera jaga para toh othaishe. Dosura pasikena thaka manuh khan ke othaboli kam kori ase koikena NDRF para janaishe. Etu incident te 5 ghor neshina beya hoishe aro etu samai dosura 8 jun manuh toh wall kera te pasikena ase koishe. Rescue aro search operations kam jai ase. Mumbai te paani besi kera nemite Sunday pujur city rasta te paani besi jama hoikena local train service aro gari traffic besi disturb thakishe. India Meteorological Department (IMD) para Mumbai te paani besi tangor kera nemite red alert junaishe, koikena BMC official para koishe. IMD para alerts toh green para loikena red dak janaishe. ‘green laga matlab toh ‘eku warning nai’ etu nemite authorities para eku kam koriboli nai. ‘red’ alert toh ‘warning’ ase aro authorities logot ‘action loboli’ janaishe. ‘orange’ alert toh authorities khan tayar te thakiboli lage koishe’. Central Railway aro Western Railway te suburban train services toh financial capital te tracks te paani jama hoikena thaka nemite suspended korishe, koikena railway officials para janaishe.