MUMBAI, AUGUST 30 : Nagaland Governor PB Acharya pora Media kan laga husir kotha aro bhal kotha janaide thakise. Etu ke tai Media kan toh ekta 4th Pillar of Democracy ase koi kena janaise. Etubi ami kan desh majutte. Aro etu Media kan kobi Print aro Electronic 2 ta pora ami kan desh pura ke Development anedebole aro ahkete anedebole nemite ekdam bhal rasta banai kena kam julabole kuribo lagi koi kena janaise.
Etu kotha Governor pora janaidiya toh Journalist kan kobi ekta bhal Newspapers aro News Channels, Maharashtra laga kan ke janaide thakise. Etubi Maharashtra Patrakar Sangha, Azad Maidan, Mumbai te 29th August 2018 te. Etu time te tai kotha kurikena NAMASTE NOTH EAST States kan laga bhal (importance) bi janaide thakise. Aro etu NE States kan kehi ahkete luijabole kurise koile pora ami kan Desh pura ke Development huijua hobo koi kena janaise.
Tai bi 3 ta Es kobi Education, Electricity aro Employment kan laga bhal ami kan NE jaka nemite janaide thaksie. Tai koise asulte NE India nemite ami kan desh sob manu kan bhal te ahkete luijabole karne kusis kuribo lagi. Etu koi kena tai bi boila toh NE India kan ke eku sabole nakuri kena thakise koi kena janaise.
Etu Governor Achrya porabi ami kan desh laga sob states kan eke pora Develop kuribole kurilehi ami kan desh toh ekta bhal aro kathara desh hobo ko kena janaise. Etu karne tai Media kan ke NE jaka nemite bhal tem on de kena husa pora ki-ki kam toh julabole kurikena thakibi aro ahkete luijabole kuribi koi kena janaise. Kele etu huilehi North East India laga naam toh ahkete ahejabo koi kena.
