Mumbai, 12 December : K-pop star aru BTS laga sobse kom age laga member Jeon Jungkook laga exhibition Golden – The Moments Mumbai te Friday din public karone khuli dise aru itu India te first time launch bhi ahise. Bandra laga iconic Mehboob Studios te rakha exhibition te South Korean singer-musician laga dangor cutout laga display te shuru hoise. Itu jagah kot ekta ekta section te divide kora ase — Shine, Solid, Substance aru Stem — juntu Jungkook laga personality laga alag-alag side dekhae aru tai laga life journey bhi showcase kore.
Sabse besi alag dekhai dise tai laga saal-saal te paise laga awards aru accolades laga close view. Aru jitu fans khan tai laga journey follow kore aru tai laga arts te interest to jane, tate tai laga personal item khan display kori ase, debut album Golden promotion time te pora kora kapor, tai laga painting board, brush, boshibi khan, aru tai laga mattress bhi rakha ase. Interactive zone te ekta alag corner bhi ase jitu te fans khan headphone use kori Jungkook laga vocals best quality te experience kori pare.
Aru jitu manu photoset nai bole chahe, ba Jungkook inspire kora jewellery loi bole chahe, tate sob sale te bhi pa jane. Itu exhibition India te anidibi HYBE aru BookMyShow Live ase.
Weekend te entry ticket price dangor (₹1999 tak) thaka karone ARMY laga student aru college goers khan tension kori ase, kintu jitu fans khan ekta unique experience bisare ase, tai logot BTS laga India tour announce hobo boli wait kori thaka time te itu exhibition tai khan karone bishi special hobo.
Add Comment