January 29,2024: Munawar Faruqui Bigg Boss 17 laka trophy pa biche dhe superstar laka treatment paishae fans kan tai laka car laka osor dhe jama hoishae.
Comedian Munawar Faruqui koto Bigg Boss 17 laka winner ase tai Mumbai laka dongri dhe grand welcome ekta paishae hazar fans kan para. Monday dhe tai Instagram dhe kotha kurikina ekta paparazzo laka account para Dongri dhe Munawar laka video share kurishae.
Clip dhe Munawar para tai laka car laak sunroof kulishae aru tade utishae. Hazar upor fans kan jama hoishae tai laka car osor dhe aru tai ki trophy dho lift kurikina dekishae.
Manu kan tai lokot hath milaboli kusish kurishae, photo kiche boli kusish kurishae aru tai ki bhi greet kurishae. Munawar para tai laka hath dho fold kurikina fans kan ki tai kushi pa aru support kura kurne thank you koishae.
Etu biche dhe Munawar Instagram dhe jaishae aru trophy aru Bigg Boss 17 laka host Salman Khan lokot photo ekta share kurishae. Tai likishae, “ Bishi Thanks. Tuikan laka morom aru support para Dongri dhe trophy dho ahishae.” Tai aru koishae, “ Aru special thanks dho moi laka bhai Salman Khan ki kobo mun jai ti laka guidance kurne.”
Media ki address kura time dhe show laka winner ase koina announce kura biche dhe, Munawar para koishae ki “ Moi bishi kushi ase aru thankful ase. Moi bishi fortunate ase enika fan following taka kurne…Moi hotai moilaka parents ki yad kuri kushi aru duk taka time dhe…” Tai ki winner declare kurishae aru Abhishek Kumar first runner up. Munawar para trophy dho tai laka ghor loikina jaishae Rs50 Lakh lokot.
Add Comment