Doha, Qatar, October 24, 2023: Tuesday din deh Qatar laka ruling emir para Israel keh unrestricted authorization nati b kui shae Palestinians kan keh mura bole. Etu tai international community keh kui shae. Tai para etu tho global security keh threaten kuri ase kui shae.
“Mukan eman he kubo. Israel kan keh green light aro unrestricted authority dibo nalageh manu kan keh mura bole,” Sheikh Tamin bin Hamad Al-Thani para ekta annual speech deh kui shae kuto Gulf laka Arab state advisory Shuru council kuli bo karne taki shae.
Palestinian health ministry para Gaza laka death toll tho tuita hapta deh 5,000 punchi shae kui shae. Etu pura Israel laka air strikes kan karne ase kuto taikan Hamas keh jawab dibo karne kuri shae.
Etu war shuru hua piche deh, Qatar tho Israel aro Hamas, taijun lokot deh b open dialogue kuri shae aro etu kura karne chartha hostage kuto Hamas para duri taki shae, etu release kuri di shae. Tate tuita tho Israeli maike taki shae.
“Etu jamala kuto dunia laka security deh threaten kuri ase, etu laka against jabo leh ekta serious regional aro international stance karne mati ase mukan,” Sheikh Tamim para kui shae.
Add Comment