Mura manu laka kandan para doctor kan organs chor kuri shae kui shae

October 19, 2024: Ekta Odisha mota, kun ekta mini truck laka accident deh muri jia shae, tai treatment karne Cuttack deh taka ekta pirvate hospital deh jia shae. Tai teen din piche deh hospital deh muri jai shae. Mura manu laka kandan para doctor kan treatment kura time deh taila organs kan chor kuri shae kui  nah allege kuri shae. Kandan para taikan abdomen deh surgery marks pai shae kui shae, victim tho matha deh heh jokom pai keh nah b.“Hospital authorities kan mui lah baba laka organs kan hatai shae pareh kui nah mukan suspect krui ase,” Victim laka bacha para news agency PTI keh kui shae.Ekta mini truck kuto iron rods buki nah taki shae, etu truck para Babula Digal keh lakai dia tho Dagal matha deh jokom kai shae. Digal tho taila maike aro bacha lokot deh taki shae aro taikan tho motorcycle ekta deh buhi nah Rampur deh jai taki shae. Doctors para October 16 din deh tai tho muri jai shae kui nah declare kuri di shae.Kandan manu kan Digal alka baet deh surgery marks pah tho jinta hui jai shae. Hospital authorities kan taila body tho kandan manu keh di di shae, eku post-mortem examination kan conduct nakuri nah aro tai muri shae kui nah b, Cuttuck deh taka local police station keh kwa nai, cops para kui shae,

Kandan manu kan para taila body tho Tikarabaju laka bureal ground deh dabai di shae kui shae police para.