Murabole saaza dishe

BEIJING: China, Supreme People’s Court (SPC) para manu ke murai dibole sazaa dishe. Etu manu toh south China te huwa Kindergarten knife hamla te haatha thaka nimite duri kena thakishe. Etu manu ke SPC para death sentence jua Friday te dishe.
Dubara examination kora pichete SPC para confirm kurishe ke Qin Peng’an para January 4, 2017 te kindergarten te choka laga knife loi kena ahishe. Qin Peng’an toh Nanshan bosti te thaka peasant ase. Nanshan bosti toh Pingxiang te ase. Qin toh knife loi ahi kena bacha khan opor te hamla kurishe. Etu ghatna te charta bacha toh bishi biya para jokom hoishe aro dusra atta bacha toh olop jokom hoishe.
Xinhua news agency SPC laga statement kotha quote kuri kena koishe etu hamla kora pichete Qin toh kindergarten escape kurishe aro olop samay pichete tai police ke surrender kurishe.