Agencies, 23 April: Music composer Shravan Kumar Rathod toh Thursday te morise. Tai toh COVID-19 virus nemite positive test bechite ektum beya halat te thakise. Tai toho lop din agae Raheja Hospital, Mahim, Mumbai te admit howa thakise. Tai laga omar 66 thakise.
Shravan ke bemari thaka aro ventilator support te thaka khobor janaishe kelay koile tai laga halat ektum beya howa nemite. Monn laga bit otha toh thakise aro etu nemite pumping te affect howa thakise.
Shravan ke toh musician nemite jani aro tai para early nineties te tai laga partner Nadeem logote melody ana thakise. Tai khan 1990 laga superhit soundtrack “Aashiqui” te kaam kora thakise. Kumar Sanu logote melikena kamiyab music khan “Dil Hai Ki Maanta Nahin”, “Hum Hain Rahi Pyar Ke”, “Saajan”, “Phool Aur Kaante”, “Sadak”, “Deewana” aro “Pardes” ase.
Besi Bollywood celebrities toh coronavirus te fight kori ase. Olop din agae Bollywood personality khan Covid positive test powa – Rahul Roy, Sonu Sood, Arjun Rampal, Neil Nitin Mukesh, Sumeet Vyas aro Sameera Reddy ase.
Add Comment