MUZAFFARPUR: Official source koishe Saturday te Central Bureau of Investigation (CBI) para Vicky ke arrest kurishe. Vicky toh Madhu alias Shaista Parveen laga ekdam close relative ase. Aro tai toh Brajesh Thakur laga key associate ase. Vicky toh shelter home sex scandle case laga prime accused ase.
Friday te Madhu toh police custody te 48 hours nimite remand kuri kena thakishe. Vicky ke city laga special POCSO court para police custody te rakhi kena thakishe.
Police para jua saal June 6 te tai laga against te FIR lodge kora pa nimite police para tai ke arrest kurishe. Etu FIR toh city laga Mahali police station te lodge kurishe. Etu FIR file kora laga Karen toh achanak para 11 maiki aro charta bacha khan “Swadhar Grih” para harai ja pichete hoishe. “Swadhar Grih””(shelter home for self-sufficient women) toh Thakur para head kuri kena NGO para cholai.
Official sources koishe Vicky laga arrest melai kena agency para etiya tok te 21 accused persons manu shelter home sex scandle case te arrest kurishe. Vicky toh Madhu laga close relative(nephew) ase aro Vicky toh Madhu logote thaki thakishe koishe. Vicky laga duty toh Madhu ke shelter home te drop kuribole aro wapas uthabole thakishe. Source kotha add kuri kena koishe Vicky toh Maddhu laga sob kaam khan te haat thakishe koishe.
Vicky toh Muzaffarpur laga Patahi area para arrest kurishe. Vicky ke medical check up nimite sadar hospital te ani kena ase. Aro Vicky ke hospital para CBI laga camp office te interrogation nimite loi jabo ase. Vicky ke agi secial POCSO court te anibole ase.
Etu scandle toh jua saal May te janishe. Etu toh state social welfare department para FIR lodge kora pichete etu scandle laga kotha toh janibole parishe.
Add Comment