United Nations para diya ekta statement hisap te, Myanmar laga military para ekta airstrike kora te Rakhine State laga ekta busti te dozen opor manu moraidisey. Hamla huwa busti laga naam Pazi Gyi asey. Etu hamla para busti ke barbad kuridisey aro bisi manu jokhom paisey.
Associated Press (AP) para quote kora hisap te, UN para ekta statement te koisey, “Suru te ola reports hisap te, etu airstrike te maiki aro baccha khan milaikina dozen opor manu murisey aro jokhom khaisey.”
Eyewitness khan para etu hamla huwa picheyte . Ekjun local manu para koisey, “Etu hamla tu busti te ekta gathering thaka homoitey hoisey. Jitya airstrike huwa homoitey, manu khan celebrate kuri thakisey, aro etu nimitey bisi manu murisey.”
Military laga etu harkat laga khilaf te international community para kara para koisey. UN para Myanmar laga manu khan laga khilaf te hinsa kora tu logalog bon kuridibole order disey. Ekjun UN spokesperson para AP ke koisey, “Tatey boha manu khan laga khilaf te airstrike chola tu ekdam monduk laga kotha asey aro etya-etya bon kuridibo lagey.”
Rakhine State tu Myanmar military aro local armed groups majotey larayi kora laga ekta centre hoikina ahi-asey. Rakhine State te boha manu khan etu larayi-jhagra laga dukh jheli asey. Bisi manu tu taikhan laga ghor para dur hoijaisey.
Ekta human rights activist para AP ke koisey, “Etu attack para Myanmar te hinsa laga shikar hoikina thaka manu khan nimitey jawab aro nyay dibole laga bisi jarurat thaka tu dikhaiasey.”
Myanmar military para etu airstrike opor te comment kuribole nimitey request path ate etyatak bi jawab diyanai. Etu majotey, UN aro international organization khan para affect huwa manu khan ke support kuribole nimitey joldi modod dibole request kuri asey.
Add Comment