NADA pra Bajrang Punie keh suspend kuri di shae

June 23, 2024: National Anti-Doping Agency para Olympic medalist wrestler Bajrang Punia keh suspend kuri shae, anti-doping rule violation karne. Wrestler laka lawyer Vidushpat Singhania para Sunday din deh taila suspension tho confirm kuri shae. NADA laka isap deh, wrestler tho governing body keh taila urine sample dib oleh manah kuri shae. Doping Control Officer para taike urine sample nadia laka consequences kui nah b, tai kura nai, NADA para kui shae. “Chaperone/DCO para tuike duly approach kuri shae aro dope analysis purpose karne tui ekta urine sample dibo lakeh kui nah janai di shae. DCO para request kan bishi banai dia piche deh b, apni, nijor laka urine sample tho dib oleh manah kuri shae. Sample tho apni dib oleh manah kura karne, NADA laka DCO para apni keh explain b kuri shae, nakura laka consequences kan. DCO para etu kan sob kuri nah b, sample collection karne, apni submit kuri bole manah kuri shae, ekta documents para kui shae kuto NADA para taki shae. Bajrang keh July 11 tak time dih nah ase, notice keh jawab dibo karne.