Dimapur, 23 November: Friday din Macha Ki, Kohima jaga deh Naga Chef Round-5 “Naga High Tea” thakise. Etu time deh hesha lowah khan logode Hot beverage, snacks, starters aro dessert bonabole deya thakise. Cook khan nemide Naga Chef competition toh ektum kaam laga thakise. Kelay koile etu pora hee tai khan logode next level loijabole howah karni. Phasta contestants majode jarta contestants he Group Round deh kushibole parise. Etu kushibole para khan laga naam toh Mhomo Ngullie, Dennis Suohu, Lipok Longkumer aro Vikhuli Achumi ase. Next group round toh November 24 direk Mhachaki, Kohima jaga deh 6 pm pora suru hobole ase. Etu time deh contestants khan pora special guests nemide bhaat bagabole (cook) ase. Final contestants toh direk Hornbill Festival, Kisama deh December 1 pora 9 tak thakibole laga deh, Entrepreneurial Round thakibole ase. Etu toh Saturday din Group Round kothom howah bechide janaidebole ase.
Naga Chef Round-5 deh Jarta contestants group round kushise
Add Comment