Nagaland, 30 July: July 20 para harai kena thaga Naga chokra, 25 sal Vangba Phom toh July 29 direk Huda City Metro Station, Gurugram deh paise. Tai ke toh police khan para 7 pm-8pm majode paise.
Harai kena thaga Naga manu ke toh off duty personnel para metro Station deh paise. Etu bechide Delhi Eastern Naga Union aro Naga Students Union Delhi alert howah thakise.
NSUD & DENSU para tai laga halat toh ektum komchor thakise koise. Kelay koile tai 4-5 din para be bhuga thaga nemide.
Vangba koise, tai toh tai laga roommate logode chamela ola thakise. Etu para tai kushi napai kena polaija ase.
Leaders para khobor janaideya toh, Vangba toh haraija saam para khali ek-par he bhaat khaise. Tai laga halat toh thek nathaga nemide jowah kali official statement toh lowah nai.
Police personnels para lowah bechide Vangba ke toh DENSU aro NSUD para Nagaland House, Delhi deh loijaise.
Add Comment