Naga Community Para Indigenous Right Khan Reaffirm Kurishey, Karbi Anglong Tey

March 09, 2025, 07:34 PM: Assam laga Karbi Anglong laga Naga general public para, itu Karbi Anglong Naga Union (KANU) laga banner under tey, ekta general public meeting loishey, itu Borlengri laga Public Ground tey para, itya chuli thaka mati laga related laga issue ke address kuriboley aru itu community para challenge khan face kuri thaka laga. Naga tribal leader khan para solidarity message khan deliver kurishey, tatey Rising People’s Party (RPP) laga President – Joel Naga aru Rengma Naga Peoples Council laga president  – Kenilo Rengma thakishey. Itu meeting tey alag alag resolution khan adopt kurishey, kuntu toh hoiley Kanu laga secretary general – K.T. Naga para puri kena hunai dishey. Aggression & harassment laga condemnation: Itu Naga community para strong para alleged aggression ke condemn kurishey, Karbi group khan para, joborjosti para mati khan claim kuria bhi milai kena, plantation khan biya kuridiya laga aru property khan damage kuri diya laga. Itu jama kuria manu khan para itu action khan toh unjust asey aru unacceptable asey koi kena term kurishey, kosom khai kena ki, itu Naga manu khan laga right toh bachai kena rakhibo koi kena, ki ki hoilebi.