Naga Darts Championship 2024 loishey, Kohima tey

September 17, 2024, 04:38 PM : Nagaland Darts Association  para Naga Darts Championship 2024 organize kurishey, kuntu toh hoiley 14^th aru 15^th September, 2024 tey loishey, La Colline Resort, Kohima tey. Itu Nagaland Darts Championship (NDC) toh hoiley ekta flagship event asey, itu Nagaland Darts Association laga, kuntu toh hoiley sob para bhal wala player khan eke logotey aniboley karney design kuria laga asey, ekta unified platform tey, competition encourage kuriboley aru khiliboley laga level toh elevate kuriboley, Naga dart player khan bhitor tey. Itu dart khan laga community toh hoiley itu NDC ke ekta valuable opportunity hisap tey embrace kurey, tai khan skill khan showcase kuriboley, itu top player khan laga against tey, itu state bhitor tey, tai khan ke national aru internation competition khan nimitey tyaar hoboley modod kuri kena. Pura puri 36 participant khan para part loishey, 12 notun player khan bhi milai kena, rookie category tey. Itu tournament laga inaugural game toh hoiley MLA, Dr. Tseilhoutuo Rhutso para kick off kuria laga asey koishey, aru tai para toh hoiley choita player khan laga jersey khan launch kurishey, Naga Darts team laga, kun khan toh hoiley Malayasia Open tournament 2024  tey participate kuriboley asey, Kuala Lumpur(Malaysia) tey, 27^th para shuru hoi kena 29^th September, 2024 tak.