Naga Hoho Para, Oil Exploration Kuriboley Koishey, State Laga Economy Boost Kuriboley Karney

February 04, 2025, 06:33 PM: Naga Hoho (NH) para toh hoiley, exploration nimitey aru production (E&P) kuriboley nimitey koishey, petroleum laga, itu state laga economy boost kuriboley karney,, aru itu saath saath ekta sapha raasta khuli diboley, oil exploration laga juldi para resume kuria nimitey.

Yaad kuri kena ki, ekta discussion kuria laga itu Assam aru Nagaland government khan majetey kotha kuria laga, oil exploration nimitey aru royalty khan share kuria laga, dispute thaka area khan tey, itu kotha khan kuria laga thakishey, itu hoho para ekta statement tey koishey ki, kotey kotey hoilebu oil exploration itu dispute hoi kena thaka area khan tey kurishey koilebi, itu Nagaland Model laga Government aru Assam Model laga Government toh hoiley eke logotey mili kena kaam kuriboley lagi asey aru ekta “Oil Exploration & Production License” toh hoiley sign kuriboley lagey, itu duita state government para bhi.

Itu nimitey, utu homoi tak , itu hoho toh hoiley demand kurishey ki, sob oil exploration activity khan kuntu toh hoiley Disturbed Area Belt (DAB) under tey giri asey, phat para rukhaboley lagi asey, juldi para, admit kuri kena ki, Assam toh hoiley Nagaland laga agey khara thaki kena asey, oil E&P tey.

Naga Hoho para koishey, Nagaland tey oil thaka toh hoiley, itu Assam-Arakan Basin laga part thakishey kuntu toh hoiley hydrocarbon occurrence khan establish kurishey aru Nagaland tey potential thaki kena asey, extensive aru intensive exploration nimitey. Aru bhi itu Hoho para claim kurishey ki, Nagaland para petroleum explorer khan laga dhyan attract kurishey, kitya para itu pre-Partition din khan hoishey aru itu asey ki, hydrocarbon khan laga prospect khan toh hoiley available thaka laga, itu pura Naga hill khan tey bishi chance asey.

NH para itu bhi urge kurishey Naga manu khan ke, itu benefit khan thaka laga bhabna kuriboley saboley koishey, judi fossil fuel deposit khan paishey koishey, Nagaland tey, aru itu para local economy ke impact kuriboley asey. Mention kuri kena ki, tatey toh hoiley bishi technology improvement khan thaki kena asey, kuntu para toh hoiley non-renewable energy ke aha din tey replace kuribo, itu hoho para bhabana kurishey, judi Nagaland toh hoiley pichey thaki thakiboley mon asey koiley kena hobo koi kena.