Kohima, 15 November: Thursday deh Nagaland laga Chief Minister Neiphiu Rio koise, thek nahoi kena thaga Naga insurgency laga issue toh Naga rebels aro central government majode thek hobo lakibo. Etu toh state laga economic development nemide ektum kaam laga ase.
Touphema deh Kohima District Planning and Development Board Day out cum Pre Christmas programme lowah time deh Chief Minister koise, phal solution para Naga manu laga development ke dangor impact hobo aro etu para be desh aro duniya logode kethabole paribo.
Rio para be sob Naga khan Naga political issue toh phal para aro joldi kothom hobo nemide prathana kuribole aro etu opor deh kaam kuribole koise. Kelay koile ahibole laga generation khan shanty environment para dangor hobole nemide aro tai khan ke be sob opai toh pabo nemide.
Chief Minister koise, “Etu saman toh Nagas agae ahibole aro sob resources thaki thaga toh jolabole laga ase. Kelay koile state laga economic toh ektum joldi othibo nemide”.
Add Comment