IMPHAL, OCTOBER 1 : Centre pora Naga kotha nemite Autonomous Council banabole aro ulaidebole kuribo bari. Etubi Northeastern State Manipur te. Huilebi etu ke China manu kan bi melekena nahua chamala ulaide thaka pora diktar bai ase koise.
Khobor hisabte Manipur state te Naga Autonomous District Council ulai ase koi kena kotha hune baa ke kotha janai kena Security Khobor pora Centre pora etu Council ulabole karne kotha mela kuri ase koi kena janaise. Etu ke Manipur State te etu Council na ula ahkete Centre kan ahkete sob Stakeholders (manu kan) kan ke kotha mela kuribole ase koise.
Security Forces pora koa hisabte Chinese Agencies kan Northeast bithormanu kan ke bhal te mela-mele kurikena ase. Etubi Myanmar Desh pora ahe kena North East states te Bithormanu nemite thaka karne. Etu karne Naga manu kan aro Non-Naga manu kan ke etu Naga Peace nemite kotha mela kuribole laga logot diktar debole kuri ase. Aro etu karne etu Naga kotha ke diktar hua huise koi kena janaise.
Khobor hisabte Centre kan Arunachala Pradesh te 2 ta Autonomous Councils aro Manipur te 1 ta Autonomous Council ulabole aro banabole kuri ase koise. Security kan Home Ministry bitorte thaka khobor hisabte tai kan Asian Age khobor te Centre kan Arunachal Pradesh te 2 ta Council ulabole koa toh 1 ta toh Tirap aro Changlang District te Naga manu kan thaka jaka ase aro tusera wala toh Budhists kan Tawang jaka te thaka te ulabole kuri ase koise.
Add Comment