PUNJAB, OCTOBER 5 : Naga Students kan RIMT University (Regional Institute of Management aro Technology) , Mandi Gobindgarh, Punjab te kitab bura kan chama kurikena Prayer Fellowship manaise. Etu RIMT University te kitab buri kena thaka Naga Students kan 15 jun ase. Aro tai kan sob alak-alak Courses kan kobi Engineering, M.Sc., M.A. aro Diploma Courses buri ase koise.
Etu jawan Students kan tai kan neju laga babuna (careers) nemite kitab bura kan toh ekta atma aro bhal adat lagi. Kele etu porahi tai kan tai kan laga jeevan toh ahkete bhal te luijabole bara huijabole karne. Aro etu Univeristy te Naga manu kan kitab buri kena thaka kan toh komti ase. Huilebi tai kan sob ekjun-ekjun ke mon melekena Isor ke khushi manai kena ase. Kele etu nesena adat porahi ahebole laga jawan kan kebi bhal rasta dekhaidiya ekta hobo koi kena.
Etu karne ami kan Naga manu kan sob bi etu Students kan ke prathana pora motub kuribo. Kele etu pora hi tai kan sob ke Isor laga morom pora bhal rasta dekhaide kena ahkete bhal te tai kan babuna jaka te punjibole baribo aro ami kan Society ke bhal rasta te anedebole karne.
Add Comment