Chengdu, 28 November : India laga top singles player Sumit Nagal, Chengdu, China te choli thaka Australian Open Asia-Pacific wild card play-off tournament laga quarterfinal te China laga Yunchaokete Bu logot straight-set te haraina bahar hoi jaise.
Sixth-seeded Nagal, top-seeded Chinese opponent logot 2-6, 2-6 hisab te harai dise.
November 24 para 29 tak Sichuan International Tennis Centre te choli thaka itu Chengdu tournament te, men aru women singles laga jeetina player-khanke 2026 Australian Open laga main draw te ghusibole wild card entry dibo.
Indian player laga raasta age-te visa jatri te dhundla hoi jaise. Tai laga first China te jabole application reject hoi jaise, aru tai public te Chinese officials ke appeal kori thakise.
Pichete itu issue resolve hoi jaise aru tai travel koribole clear paise.
Add Comment