Dimapur, July 11: Thursday deh Chief Secretary, Temjen Toy, Asian Development Bank team aro konbah State departments laga senior officers khan logode conference hall, Civil Secretariat, Kohima jaga deh meeting loise. Meeting toh ADB para proposed North East Industrial Corridor opor deh study kora ke saijai kena loise.
ADB team para North East Region logode engage thaga besi phak tinta main sectors Transport, Urban aro Energy opor deh kotha kowah thakishe.
Transport opor deh ADB para SASEC Road Transport Corridor Projects opot deh kotha kora thakishe.
Urban sector deh team para North East Region Capital Cities Development Investment programme opor deh kotha korise. ADB team para be India, Myanmar, Burma aro Nepal deh mela besi projects opor deh kotha korise.
CEO of IDAN, Alemtemshi Jamir para educational institutes deh trades facilitate kuribole lagi thaga laga kotha koise. Tai para be state deh paani laga issue opor deh kotha korise. Tai koise border trade opor deh mon chinda thaga tak Moreh- Imphal sector area toh gara ase. Tai para be northern trade centres, Avangkhu nesana ADB para suru kuribole laga koise. Tai para northern boarder deh suru kora para he thek para thaga toh phal hobo koise.
Myanmar aro India eki logode melikena thek fesla kuribole lagi thaga laga kotha be kora thakishe. Boarder areas deh hospital aro educational Institutes bonabole laga thaga be kotha korise kelay koile trade toh suru korio nemide.
Chief Secretary koise, ADB team para motob kuribo janibo, project report daiyar kuribo ar North East Industrial corridor lobo. Tai para be border trading points toh Eastern Expressway para connect kuribole lagi thaga laga kotha korise. Tai para trade nahowah toh facilities nahowah nemide ase koise. CS para be state deh coffee plantation laga kotha korise aro paper mill aro suru kuribole laga be kotha korise. Chief Secretary para mini power plant aro smart city nemide state’s share laga funding opor deh be kotha korise.
Add Comment