Dimapur, 28 September: Thursday din Nagaland aro Assam majode phal relation thakibole laga aim pora friendly football match loise DDSC Stadium de. Etu match toh Dimapur District Veteran Football Association aro Golaghat District Sports Association majode khela thakise. Special Guest nemide ahha Deputy Commissioner Dimapur, Sushil Kumar Patel (IAS) pora programme suru kora thakise. Tai pora tuita team logode phal relation thakibole plan kora de kushi powah kotha janaise. DC Dimapur pora be tui-din Nagaland aro Assam majode sports event thakibole laga plan Deputy Commissioner Gologhat logode log janaideya thakise. Sushil Kumar pora tuita team logode wish kora thakise aro tai khan logode khelari laga virtue toh yaat rakhi kena skills dekhaidebole kowah thakise. Special guest aro special invitees khan logode khelari khan janaideya thakise. Nagaland aro Assam laga national anthem gaa bechide DC pora ball kick kori kena khel suru kora thakise. Ektum phal pora 90 minute match khela bechide Dimapur district experience Football Association pora Golaghat District Sports Association logode 3-2 goal pora jetise. Friendly match toh Dimapur district Veteran Football Associationpora organise kora ase.
Nagaland aro Assam majode friendly football match khelise
Add Comment