Nagaland Assembly laga Dignity government para abused koribole naparibo: TR Zeliang

Dimapur, 01 August: Saturday te TR Zeliang koise, Nagaland Legislative Assembly laga dignity aro democratic principles te aji kali laga government para abused kori thakibole naparibo.
Opposition leader Zeliang para governor RN Ravi ke letter deya te, Assembly laga session te business session toh tin din te othaidebo nemide joldi intervention lobole koise.
Commissioner and secretary, Nagaland Assembly, Dr P.J. Antony para July 29 direk notification te koise, sission toh poila July 30 te lobole scheduled kora thakise hoilebe expect koribole napara developments nemide August 13 te postpone korise.
Zeliang koise, suru koribole laga direk aro Assembly sessions nemide din laga number toh Speaker aro leader of the House laga convenience hisaab te junibo lakae. Hoilebe Zeliang para Speaker nahoile Leader of the House para Assembly sessions laga duration toh nejor laga personal suitability hisaab te act koribole nemide license hisaab te nahoi koise.
Zeliang koise, Assembly Secretariat para July 29, 2020 laga rati Bulletin Part-II vide No.AS/LEG-36/2020 release kora te, one-day session lobole laga zamidari toh Raj Bhavan te shift korise.
Bulletin opor te kotha kora te Zeliang koise, government laga direction session postpone koribole nemide August 13 indicate korise. Etu te manae Assembly laga 6th session toh one-day session hobo kelay koile besi phak MLAs toh August 14 direk alak alak administrative headquarter te move koribo kelay koile Independence Day nemide National Flag hoist nemide.
Zeliang koise, tai jana hisaab te, Naga political issue toh ektum kaam laga stage te ponjishe aro concered stakeholders, besi phak Nagaland Legislative Assembly toh etu issue opor te kotha koribole nemide space bonabo lakibo.
Zeliang koise, tai laga tenure chief minister nemide thaka samai te, Naga political issue toh Assembly te tui din July 23-24 in 2015 te kotha kora thakise.
Tai aro koise, poila para be issue toh aji besi kaam laga ase aro Assemly laga floor te etu opor te kotha koribole nemide room pabo lakibo.
Zeliang para janaideya hisaab te, etiya nemide Assembly toh COVID19 pandemic opor te kotha koribo karni he besi samai deli phal ase kelay koile Saturday te State te 1693 positive cases aro 6 mora thaka nemide. Tai para be Securitisation and Reconstruction of Financial Assets and Enforcement of Securities Interest Act, 2002 (SARFAESI Act, 2002) te kotha koribole nemide eki important ase koise. Assembly para etu issue toh 5th session samai te dismissed kora nesana ignore koribole naparibo koise.
Zeliang para Assembly session toh ek din para tin din te othabole demand korise. Tai para governor ke session nemide August 11-13 nahoile August 15 bechide komti hoilebe tin din laga session nemide lakiya direction debole koise.
Tai para be session toh August 13 te suru korikena House toh break te rakhikena August 15 para tusara tui din nemide suru koribole suggest korise.