Kohima, 20 December: Monday te Nagaland Legislative Assembly para ekta five point resolution loise. Etu te Armed Forces (Special Powers) Act (AFSPA) 1958 toh North East region para hatabo nemite demand ase.
Special assembly session samai te Nagaland te Act opor te kotha korise aro sob legislators para fesla korise region te besi phak Nagaland para AFSPA hatabo nemite Government of India te demand koribole. Kelay koile Naga political issue te ekta peaceful political settlement pabole kosish kori thaka te dagot/strengthen hobo nemite.
Assembly para gara condemn korise, December 4 te Oting-Tiru bosti area, Mon district te Indian Army laga 21 para Special Forces para hamla korikena 13 eku galdi nahowa manu khan moraideya nemite aro etu bechite December 5 direk Mon town te ekta galdi nathaka manu ke security forces para moraideya nemtie. Hatsa samai te sob melikena 35 manu jokhom powa thakise.
Legislative Assembly laga members para be competent authority para maaf mangka logote assurance debole koise. Etu toh mathi laga laws te apply korikena galdi kelaaf justice debole nemite.
Assembly para be Mon district laga citizens, civil society, state laga citizens aro tusara mass-based organizations te appeal korise. Government aro etu laga agencies te cooperate debole. Etu toh ensaaf demand te melikena kosish te cooperate koribole aro sob citizens laga interest te normalcy annibole nemite.
AFSPA hatabole aro ensaaf debole demand kora te citizens aro civil society organization para support kora te appreciate korise. Aro sob sections te appeal korise. Shanti aro ensaaf debole nemite melikena kosish te democratic norms aro non-violence te follow koribole.
Ekta resolution lowa te koise, “Naga manu khan toh pending Naga political issue te shanti aro joldi solution nemite kandi thakise. Manu laga awas te honibole aro respect koribole toh agae kaam laga ase. Etu nemite House para arobe appeals korise, Indo-Naga political dialogues te kotha kori thaka parties para kotha toh logical conclusion te anibole nemite. Etu toh joldi settlement te ponjikena aro etu toh honorable, inclusive aro acceptable hoikena”.
Add Comment