February 05, 2025, 04:46 PM: Ekta state level laga program launch kurishey, Watershed Yatra kuntu toh hoiley, itu Kohima laga Land Resources laga Directorate, 5th February, 2025 tey, Nagaland laga Land Resources laga Advisor – G. Ikuto Zhimomi tatey Guest of Honour hisap buhishey koishey.
Itu event toh hoiley, Kevekha Kevin Zehol NCS, Chairman, SLNA, Nagaland aru Commissioner & Secretary, Land Resources para preside kurishey.
G. Ikuto Zhimomi para tai kaga address tey itu initiative laga naam uthai dishey aru collaborative effort khan lagi thaka laga stress kurishey, pani komti hoa laga aru mati degrade hoa laga challenges khan address kuriboley karney. Tai para aru koishey itu government laga commitment asey koi kena, community-based watershed project khan management support kuriboley karney aru rural community khan empower kuriboley karney. Tai para koishey ki, mass outreach program toh hoiley, modod kuriboley asey, itu mati aru pani laga resources khan toh sustainable para chulaboley karney, moi khan laga future generation khan nimitey.
Albert Ngullie, CEO, SLNA, Nagaland, aru Director, Land Resources para keynote address deliver kurishey, Watershed Yatra laga importance highlight kuri kena, itu state laga unique ecological landscape context tey. Tai para sob citizen khan ke encourage kurishey, awareness banaboley karney, ekta manu laga aru community level duita tey bhi, moi khan laga natural resources sustainable para utilization aru management kuriboley pariboley nimitey. Aru itu pichetey, KK Wood Touch Furnitures Kekhrielezo laga Proprietor – Zuyie para experience share kurishey, kun toh hoiley Pradhan Mantri Kisan Sampada Yojana laga beneficiary asey, Watershed Development Component (PMKSY-WDC 2.0) laga.
Founder – Pelenuo para aru Zub Zub India laga MD aru Miss Universe India 2024 laga Fourth Runner-Up – Ruopfuzhanuo Whiso para khata speech khan deliver kurishey, kun para toh hoiley, itu community participate kuria laga aru touth engagement emphasize kurishey, pani conserve kuriboley laga effort khan tey aru degrade hoi thaka mati khan restore kuria tey, Nagaland pura tey.
Itu program toh hoiley, ekta welcome address logotey shuru kurishey, Chairperson para, aru itu pichetey, ekta invocation laga parathana kurishey Rev. Dr. Kevichalie Metha, Pastor, Peraciezie Baptist Church para. Itu attendee khan para ekta kosom bhi khaishey, “Mati aru Pani laga Conservation” kuriboley nimitey, tai khan laga commitment reinforce kuri kena, environmental sustainability karney.
Itu Yatra tey toh hoiley, ekta series laga actitivty khan thakishey, watershed project khan develop kuria khan laga – percolation tanks, check dam khan nishina; Watershed Mahotsav toh hoiley awareness banaboley karney aru community participation banaboley karney thakishey, Watershed Ki Panchayat toh hoiley itu community khan tey involve kuriboley, develop kuriboley aru implement kuriboley policy khan, watershed development aas paas tey.
Itu State Level Launch kuria Program toh hoiley, itu the National Level Virtual Launching Program hoa pichetey phat para conduct kurishey, webcast kuri kena, kotey toh hoiley Agriculture aru Rural Development laga Union Minister – Shivraj Singh Chauhan para itu Watershed Yatra toh flag off kurishey, virtual para.
Hekato N, Additional Director, Land Resources para vote of thanks dishey, itu sob stakeholder khan laga contribution khan acknowledge kuri kena, itu event khan ke ekta success banai kena.
Itu initiative toh hoiley, scientific watershed management practice kuria khan laga adoption kuria ke promote kuriboley aim kurey, pani laga security enhance kurey, agricultural productivity improve kurey, aru employment opportunity khan generate kurey rural area khan tey, pura puri itu khan para holistic development kuria tey lead kuri kena, itu state laga.
Add Comment