Kohima, 31 July 2025: Nagaland Civil Secretariat, Kohima te 31 July 2025 din Chief Secretary Dr. J. Alam, IAS ke honour koribo karone ekta farewell programme rakha hoishe.
Dr. Alam nijor farewell speech te dangor dhonyobad janai dishe, aru koishe ki etu moment ekta memory aru professional bond laka celebration ase. Tai koishe ki Nagaland tai laka home bonai jaishe, aru tai ke personally aru professionally change korishe. Tai jitia 29 January 2021 te Chief Secretary boni charge luishe, olop important moment mention korishe —COVID-19 handle kora, climate resilience promote kora, aru digital governance improve kora. Tai koishe tai laka legacy number report te nohoi, kintu state te positive change loi ana te ase.
Incoming Chief Secretary Sentiyanger Imchen, IAS Dr. Alam laka leadership ke appreciate kori, tai laka major achievement—pension papers early sanction, Nagaland Solar Mission, aru Skill Mission launch kora mention korishe. Tai koishe Alam youth aru governance karone bhi dangor role khelishe.
Principal Secretary Y. Kikheto Sema koishe Dr. Alam ekta systematic aru responsible officer ase. Tai kaam olop bhi delay nakore. Tai laka leadership te state te kunba bhi major problem honai.
Programme te NCSA band special song perform korishe, Rev. Izieteilung Tering blessing dishe, aru Home Commissioner Anoop Khinchi, IAS vote of thanks dishe.
Dr. Alam 1991 te IAS join korishe, aru state aru central government te bishi important position dhori thakishe. January 2021 te Chief Secretary bishi, aru tai laka tenure Nagaland karone ekta valuable service bon jaishe.
Add Comment