Dimapur, 14 December: Nagaland Congress para Nagaland laga tuita MPs- NDPP (Lok Sabha) aro Opposition NPF (Rajya Sabha) ke kelaaf korise kelay koile Citizenship Amendment Bill (CAB), 2019 ke support korikena vote kora nemide.
Nagaland Pradesh Congress Committee (NPCC) koise, ruling Nationalist Democratic Progressive Party (NDPP) aro Naga People’s Front (NPF) parliamentarians para Naga nemide besi forms deh misrepresent korise.
NPCC president K. Therie koise, Etu par Parliament laga pahar CAB ke kelaaf korikena protest kora ke Rajya Sabha MP K.G. Kenye toh hisha loise koilebe tai para bill ke support korise. Tai toh hosha ke be bill ke kelaaf korikena protest kora toh nahoi.
Therie koise, MP toh hoile Constitution pithor laga Article 13 aro 14 laga rights ke violate howah bill opor deh hosiyar thaga nai.
PCC president koise, Congress para tuita Parliament laga Houses deh bill ke kelaaf korise kelay koile etu toh Constitution laga spirit ke kelaaf thaga nemide.
Therie koise, MPs – Tokheho Yepthomi aro K.G. Kenye toh Christians hoi kena bill ke support nakoribo thaga ase kelay koile etu bill toh India aro duniya laga Muslims ke discriminate thaga nemide.
Tai koise, MPs toh eku bhabona nahoi kena sitha bill ke support korikena vote korise. Tai khan laga action toh true Christian spirit ke kelaaf ase kelay koile Christians para tusara community ke kelaaf kora eku kaam toh nakae.
CAB, 2019 para Pakistan, Afghanistan, aro Bangladesh laga Hindu, Sikh, Buddhist, Jain, Parsi aro Christian communities Indian citizenship pabole ase. Indian citizenship toh hoile tai khan para conditions ke mana bechide pabo.
Add Comment