July, 21, 2020. Nagaland te first time 20 pithor te sobse tangor Hornbill Festival, etu saal COVID-19 bemari nemite thakibole naparibo. Hornbill Festival tuh hoitai saal December darik paa loikena 10 din nemite 2000 saal para soruh kuishe. Etu Festival te State laga cultural diversity celebrate kori aro etu tu Nagaland laga tribes alak-alak khan para celebrate kori, hoilebi khobor tuh besas koriboli ase koile tuh, festival tuh COVID-19 bemari nemite nathakibo. Sate laga tourism industry khan be tangor bechete rokai thibo, keli koile etu samay he mega festival te poisa besi ahiboli depend thaka ase. Tourism laga advisor H Khehovi Yepthomi para koishe ke, “joti situation tuh bhal nohoile, State te Festival thakibole tuh position te nai,” Hoilebi, tai hoishe ke, Hornbill season samay, events neshina– Made in Nagaland, Crafted in Nagaland, Flowers of Nagaland tuh nejor State laga district headquarters te small-scale theme-based te thakibo.
Tai aro koishe ke, situation tuh aro October-November moina te ek para study kuribo. Yepthomi koishe, tourism sector of Nagaland khan tuh asti kurikena aro kulibo aro Standard Operating Procedure (SOP) tuh joti te finalized hobo. Hornbill Festival tuh Kohima para 12 Km jaikena Naga Heritage Village, Kisama te hotai saal thaki koishe. Nagaland laga tribes sob khan ahikena etu Festival te part loi koishe.
Add Comment