Dimapur

Nagaland deh AYUSH othabole monde ase: Minister Pangnyu Phom

February 7, 2019
31 Views

Dimapur, February 6: Jowah kali Ashoka Hotel, Delhi jaga deh  Minister for Health and Family Welfare, S. Pangnyu Phom toh 4th AYUSH Minister’s conference deh ahha thakishe. Conference time deh Minister para State deh AYUSH Society debo karni kotha kora thakishe. Tai para kowah toh, “Apuni toh jani thakibo, North Easter, India laga Nagaland State toh ami khan desh laga 16th State ase aro etu toh 01st December, 1963 deh Political Agreement para ola laga ase. 50 sal para be besi, traditional healers de charikena, Allopathic he health sector deh treatment dekena thaga ekta ase”. Tai para kowah toh, AYUSH Society para desh aro besi phak Nagaland deh kaam laga role kori ase. Phom para kowah toh, Government toh State deh AYUSH othabo karni ektum mondekena kaam kori ase. Etu opor deh Government of Nagaland para be State deh AYUSH system othabo karni mon dekena kaam kori ase. Tai para kowah toh, ami khan logode 6 regular doctor ase aro cabinet laga clearance process pethor deh 8 regular medical officer post olaise.

Tai para kowah toh, 82 AYUSH doctors toh National Health Mission (NHM) aro National AYUSH Mission (NAM) pethor deh junise aro tai khan logode state deh District Hospitals, Community Health Centres aro Primary Health Centres deh post korishe. Department of Health & Family Welfare pethor deh AYUSH Society para State deh AROGYA MELA three times organize korise aro Mokokchung District deh etu par howah laga toh ekta wala ase.

Mission para be dawai patients logode free para dese aro sob level naponja tak deya toh agae jai thakibo.  State annual action plan hesab deh kaam khan toh kothom korikena ase. Etu khan toh Public Health Outreach, AYUSH Gram, School Health Programme, Training Programme for ASHA’S aro ANM’S, cultivation of medicinal plant nesana khan ase koise.

Minister para kowah toh, Medical department logode Department of Youth Resources, NYK, Defence nesana khan logode International Day of Yoga (IDY) toh ektum phal para organize korise.

National AYUSH Mission (NAM), suru howah time para olob time majode besi kaam khan kora kotha janaideya thakishe.

Minister para be Kohima District pethor laga 50 bedded integrated AYUSH hospital toh ek-moina nohoile tui-moina majode kothom hobole biswaas ase koise aro etu toh etu sal kothom nahowah agae deh inaugurate kuribole biswaas ase koise.

Tai para be kowah toh, State Government para Longleng aro Zunheboto District nemide to 50 bedded integrated AYUSH Hospital bonabole Details Project Report (DPR) toh dekena ase. Etu nemide support toh lagi ase.

Phom para be ahhaibole din phal ministry laga guidelines hesab deh sob programme toh suru kori jabo koise.

Phom para be State deh alag AYUSH Directorate toh nai koise. Etu para tai AYUSH laga Ministry logode AYUSH Directorate toh alag deh Nagaland State logode debole koise. Etu toh Nagaland logode fund dekena thaga para kuribole koise.