October 11, 2024: Nagaland deh taka Hindu community kan para Druga Puja tho manai shae. Festival deh devotees kan bishi participate kuri shae, kun kan traditional kapra kan lakai taki shae aro lakai nah 60 sundur para decorate kura marquees kan keh visit kuri shae.
Etu pandals kan tho bishi wak Dimapur aro Chumoukedima deh taki shae. State laka capital, Kohima deh kom seh kom satha nishi nah pandals tho taki shae.
Nagaland Governor La Ganesa, Chief Minister Niephiu rio aro Deputy Chief Minsiter Y Patton para etu occasion nam deh manu kan keh taikan laka greetings di shae. Governor La Ganesan para Kohima deh taka alak alak pandals keh b visit kuri shae aro taila pratna kan offer kuri shae./
Chief Minister Rio para X deh taila festive message tho share kuri shae. “Etu celebration, kuto good over evil karne ase, etu para mukan keh hope, courage aro positivity dibo kui nah hope kuri ase. Mukan sob etu victory laka spirit aro nutun beginnings keh mana bo, ahi b.
Deputy CM Patton para taila warm wishes b convey kuri shae. Tai para etu festival para takat, prosperity aro peace ani bole hope kuri ase kui shae.
Festival tho Sunday din deh kotom hobo. Puja committee kan para etu celebration keh aro bhal ban abo karne alak alak programs aro competitions kan organize kuri nah ase.
Add Comment