Kohima, 12 December: Nagaland deputy chief minister Y Patton para Saturday te Lotha Catholic Union para kon hoilebi UPSC examination te clear howa nemide Rs 10 lakh award koribole janaishe.
Patton para be tai laga tenure samai Lotha Catholic Union laga members kon Nagaland Public Service Commission te kamiyab howi Rs 5 lakh debole janaishe.
Patton toh 2019 Assembly election bechide deputy chief minister howa laga ase.
Tai para etu announcement toh Don Bosco Parish in Wokha town te Lotha Catholic Union laga silver jublilee mana samai janaishe.
Patton para be State te education laga standards othabole nemide Catholic institution laga motob aro kushi opor te kushi powa janaideya thakise.
Tai para State te besi kamiyaab aro influential personalities toh Catholic institutions laga products ase koise.
Tai para 25 sal toh ekta glorious accomplishment ase koise aro etu toh Isor ke Tai laga ashirbad nemide dhanyaabad debole samai aro ekta ekta logode maaf kora laga samai ase koise.
Occassion te Patton para Jubliee monolith toh Bishop of Kohima Diocese Most Rev. Dr. James Thoppi thakikena khula (unveiled) thakise aro event te mark koribole nemide saplings lakaideya thakise.
Add Comment