Kohima, 06 November: Motto “Upholding Fiscal Discipline” pithor deh, Nagaland Finance & Accounts Service Association laga 15th General Conference toh Wednesday (6th November 2019) Directorate of Treasuries & Accounts laga conference hall deh loise.
Advisor, Treasuries & Accounts, NH, Dr. Longrineken para function deh kotha kowah thakise. Tai koise, Department of Treasuries & Accounts toh kaam laga department ase aro Government laga backbone ase. Tai para officers & staff ke nejor laga kaam toh phal para kuribole koise aro posting deya ke namana toh nathakibole koise.
Alak alak departments deh shortage para dekthari powah opor deh tai koise, dekthari powah opor deh toh joldi saijabole ase. Etu para officers ke tai khan laga service deh justice debole koise. Etu toh tai khan laga working structure phal hobo nemide support aro guidance debole koise.
Function deh Chief Secretary, Temjen Toy, IAS toh ahibole para nai. Hoilebe tai para letter deya deh sorry janaikena koise, government functioning laga sphere deh, finance toh key component ase. Etu para tusara key factors deh besi phak kamiyaab korae. Toy koise, Nagaland Finance & Accounts Service ke key role ase State Government laga sob department laga function deh play kuribole.
Toy koise, officer khan up to date rakhibo lakae aro rules aro procedures deh thek para follow kuribo lakae. Officer para be right advice aro guidance debo lakae aro nejor ke zamidari deya ke buchi kena change aro progress nemide agae loijabo lakae. Function deh Secretary Finance Department, Kesonyu Yhome, IAS aro President NF&ASA, R. N. Yanthan para be kotha kowah thakise.
Programme laga highlights, Finance Secretary, Adi Naleo para words of acknowledgement deya thakise. Etu bechide retired members ke certificate deya thaksie aro Business Session lowah thakise.
Add Comment