Kohima, 8 May 2025: Nagaland Governor aru Indian Red Cross Society, Nagaland State Branch laga President La Ganesan, 8th May 2025 te Kohima, Red Cross Complex conduct kura te kotha kurise, World Red Cross Day celebration te participate kuri kena, aru sob manu ke ekta milikena compassion aru youth khan ke humanitarian service te jori bole inspire kuri se.
Chief Guest hisap te kotha koa time te, Governor praise kuri se Red Cross laga volunteer aru staff khan ke, jun khan Nagaland te bhal kaam kuri ase, especially natural disaster aru emergency time te dukhi manu khan logot pohchi bo parah. Tai koise Red Cross, compassion aru hope laga ekta example ase, jun para manu laga real value ke dikhai ase jitya manu dok te thaka time te.
“Apuni khan laga kaam duty ekla nahoi, kintu ekta proof ase ki compassion te kiman power thake,” Governor koise. Tai add kurise ki Nagaland laga Red Cross member khan isolated aru hard terrain te bhi asha laga ekta light thaki ase.
Governor refer kuri se etu bar laga Red Cross Day theme “Through Humanity to Peace” te, aru sob manu ke encourage kuri se ki manu hobo laga real meaning ke bujhibo lage. Tai koise ki asha para andhar te direction di, compassion ek dusra laga dukh bujhibole help kure, aru kindness to ekta language ase jun sob manu bujhibo pare.
Nagaland laga youth khan ke special appeal te, Governor Ganesan urge kuri se ki humanitarian service te join kuribole. “Apuni khan khali age laga leader nahoi, kintu aji laga change maker bhi ase. Aji laga problem, climate change, health crisis aru social inequality, apuni khan laga energy aru idealism lagi ase,” tai koise.
Tai etu bhi koise ki empathy bacha time para sikhabo lage, ghor aru school para he compassion aru service laga value sikhaibo lage.
Governor speech end te, Red Cross founder Henry Dunant laga quote use kuri kena koise, “Ami khan angel nahoi, saint bi nahoi, kintu ami manu ase jun ki pare, kuribo try kuri, jiman lamba kuribo pare.”
Programme MC Member Jonas Yanthan laga welcome speech para suru hoise. Dr. R. Rose Chakhesang, MC Member, IRCSN, programme laga theme highlight kuri se, aru General Secretary Akhale V. Khamo Secretary General laga message read kuri se.
Dr. Theyiephrezo James Solo, MC Member, IRCSN, thank you speech dise. Programme Vice Chairperson Helena Yepthomi chair kuri se. Junior Red Cross, Bayavu English School, Kohima para ekta special song bhi present kuri se.
Add Comment