Kohima, 06 September: Nagaland laga Governor, R.N. Ravi para ekta Special Cover toh “Naga Tree Tomato”, Nagaland laga ekta Geographical Indication (GI) tagged product te olaise. Etu toh Dr. Imkongliba Ao Hall, Raj Bhavan Kohima jaga te Monday, September 06, 2021 te olaise.
Special Covers toh Department of Posts para release korise. Etu toh kaam laga event nahoile kaam laga products te dekhabo nemite ase. Department para Covers toh North East laga 19 GI products te olaise. Tuita Special Covers “Naga Mircha” aro “Chakhesang Shawl” toh jowa moina ola thakise.
Governor para Department of Posts te tai khan laga interest aro initiatives nemite thank janaishe aro GI tagging para khali product laga recognition te motob howa ekala nahoi kena economic laab powa te producers ke besi laab anibo koise.
Governor para North East toh diversity of natural aro man-made products te besi rich ase koise. Nagaland laga Crafts para duniya te sob manu laga sukhu catch kori koise. Hoilebe enaka saman khan dekhibole ektum limited ase koise. Etu nemite Governor para State Government ke State laga unique aro special products te janibole aro GI tagging nemite agae anibole koise.
Chief Postmaster General, NorthEast Circle, Shri Amitabh Kharkwal para GI toh kaam laga ase koise. Etu para registered GI products te unauthorised jola te bachai koise. Tai para be Spcial Cover toh National Philatelic Museum, New Delhi te display te rakhibole ase koise.
Postmaster General, North East-II Region, Shri Som Kamei para Vote of Thanks koise. Event te Senior Officers of State Government, Staff of Raj Bhavan aro Department of Posts thakise.
Add Comment