Kohima, 19 October: Saturday din Durbar Hall, Raj Bhavan Kohima deh function lowah time deh Nagaland laga Governor, Shri RN Ravi toh Nagaland Bharat Scouts and Guides laga Chief Patron nemide wada korise.
Jama howah jaga deh kotha kora time deh Governor Ravi koise, State deh movement toh active enrolment logode agae ahishe aro bacha aro dangor manu khan nemide alak alak activities toh organised korise. Tai biswaas kora toh, Scouts and Guides movement toh besi lively hobole aro ahibole din time deh besi gara hobole janaise.
Governor Ravi para Nagaland State Bharat Scouts & Guides laga officials ke commitment aro rededication hobole janaise aro tai be Chief Patron nemide thakikena support kori thakibole janaise.
Advisor Youth Resources and Sports and President Nagaland Bharat Scouts and Guides Er. Zale Nikha para welcome kora kowah time deh nutun Chief Parton para tai laga guidance aro support pabole biswaas howah janaise. Tai para be State deh 5000 nesana Scouts and Guides enrolled thakibole biswaas howah janaise.
State Organising Commissioner (Scouts), Shri John Tomchimong toh Induction Ceremony deh control kora thakise. Vineyard School Scouts and Guides para special song present kora thakise. Programme deh State Chief Commissioner, Shri Atuo Mezhur Sekhose toh chaired thakise aro Vote of Thanks toh State Treasure, Shri K Neibou Sekhose para kowah thakise.
Add Comment