Kohima, 2nd October – State-level observation of International Day of Older Persons 2025 aru 25th Anniversary of Senior Citizens’ Association of Nagaland, theme toh “Older Persons Driving Local aru Global Action: Our Aspirations, Our Well-Being, Our Right” celebrate kurishe Capital Convention Centre, Kohima, October 1, 2025 te.
Special Guest aru Advisor of Social Welfare, Wangpang Konyak, address te koishe ki, etu din toh khali ekta celebration hai nohoi, kintu ekta reminder bhi ase bishi important role moikhan laga elders khan society te play kuri thaka. Tai koishe ki etu sal laga theme toh “Older Persons Driving Local aru Global Action: Our Aspirations, Our Well-being, Our Rights” Nagaland spirit logote resonate kuri ase, karon senior citizens khan toh amikhan laga culture laga pillars, juntu traditions, stories aru wisdom carry kuri thake. Tai urge kuri she senior citizens khan ke vision share kuribole karon toh tade experiences younger generation ke inspire kuri thake resilient aru motivated thakibo karone. Tai aru add kuri she ki well-being bhi critical ase, aru government support system aru medical facilities improve kuribo karone CMHIS aru social assistance schemes dwara committed ase.
Tai emphasise kuri she ki, elders khan laga rights safeguard kuribo lage, aru rapidly ageing population logote, respect for elders juntu amikhan cherish kuri thakibo lage, practical action aru fair treatment te translate hobo lage. Tai aru koishe ki global stage te Nagaland laga traditions aru resilience ekta model hobo pare, older persons khan community te change lead kuribo paribo. Tai 25 years of Senior Citizens’ Association mention kuri kina koishe ki milestones reflect kuribo aru future te senior citizens khan honor, support aru empower kuri thakibo lage.
Secretary of Social Welfare, Limawabang Jamir IAS, keynote address te koishe ki etu theme remind kurishe older individuals khan laga essential role world shape kuribo te. Tai highlight kuri she ki etu din toh khali challenges recognize kuribole hai nohoi, kintu contributions aru wisdom celebrate kuribole dorkar ase. Tai mention kuri she ki Ministry of Social Justice and Empowerment continuously inclusive aru equitable society banabo karone work kuri thake. Nagaland te 12 Senior Citizens Homes establish kuri loishe Ministry fund aru NGOs implement kuri thaka, juntu senior citizens khan ke safe place provide kuri ase. Department schemes bhi implement kuri ase, jaise Atal Vayo Abhyuday Yojana (AVYAY), juntu cataract surgery aru geriatric caregivers training provide kuri ase. Awareness campaign aru IGNOAP scheme bhi implement kuri loishe, juntu financial assistance provide kuri thake senior citizens juntu BPL families khan ke.
Tai reiterate kurishe ki International Day of Older Persons te amikhan responsibility reaffirm kuribo lage, both as society aru as government.
Event te Distinguished Senior Citizen Award Neidonuo Angami aru Rev. Dr. L. Anjo Keikung ke dishe, taijun laga outstanding contribution karone society aru State te.
Agete, Special Guest Wangpang Konyak, Jubilee Souvenir of the Senior Citizens’ Association of Nagaland release kuri dishe.
Add Comment