Nagaland: K Therie para September 12 PAC Resolution toh ‘Ene waste laga ase’ koina koishey

September 16, 2024, 4:58 PM: Nagaland Pradesh Congress Committee (NPCC) laga former President – K. Therie para strong para, itu People’s Democratic Alliance (PDA) ke criticize kurishey, itu ground reality tey side para hala kuri thaka nimitey, itu Naga Political Issue achieve kuriboley laga regard tey. Tai laga remark khan toh hoiley ajikali laga joint resolution banawa pichetey diya laga asey, olitical Affairs Committee (PAC) consultative meeting laga participant khan para banawa laga, kuntu toh hoiley Kohima tey para loishey, September 12, 2024 tey. Therie para ekta parallel banaishey, itu Biblical Herod  kun para toh hoiley Jesus ke muriboley sentence kuri dishey public laga pressure under tey, aru Nagaland laga leader khan laga majetey, kun khan ke tai para accuse kurishey, yatey laga manu khan ke thugai diya laga, itu external force khan aru personal ambition laga influence tey. Therie para refer kurishey ekta eneka nishina hey meeting laga, kuntu toh hoiley March 9^th, 2022 tey loishey, aru tai para tai laga disappointment express kurishey, ki, itu itya laga consultative process toh hoiley aru bhi fail hoi jaishey koi kena, meaningful progress deliver kuriboley napari kena. Therie para koishey tai toh hoiley itu organization khan ke itu meeting ke attend kuria toh manu laga awaz khan ke represent kuriboley laga expect kuri thakishey hoilebi tai para mon bikahi kena koishey key agreement khan aru document khan toh hoiley share kuria nai participant khan logotey. Tai para highlight kurishey itu duita agreement khan sing kuria laga importance opor tey, kuntu toh hoiley August 3, 2015 tey, aru November 17, 2017 tey sign kuria laga thakishey, duita bhi public laga domain tey thaki jai kena. Tai para itu October 31, 2019 laga significance laga kotha khan khotom kuria laga bhi emphasize kurishey, urge kuri kena ki, itu document khan toh hoiley itu Home Department para available banaboley lagey, koi kena.