KOHIMA | Aug 17, 2019: Novaturient Management para loikena Task Force for Music & Arts logote milikena ekta fashion show — “Ardour, Fall/Winter 2019” toh October 12 RCEMPA, Jotsoma te lobole ase .
Etu khobor toh Symphony Café, Kohima laga press conference te dishe. Neitho Khamo, Event Manager koishe ki Novaturient Management toh juwa moina hi shuru hoishe fashion industry uthabole nimete etu eki time te fashion laga sob elements khan ke platform dibole nimete ase .
Khamo koishe ekta audition toh August 23 St. Joseph College, Jakhama te lobole ase upcoming models khan ke modot kuribole nimete fashion show te kinika berabo etu khan hikaahbole nimete .Tai aro bi khobor dishe etu show kile loishe koile toh local products khan promote kuriken dusra jaka te phutabole nimete ase.
Ruopfüzhano Whiso, FBB Colors Femina, Miss India Nagaland 2017-18 media logote kotha kura time te koishe etu ahibole thaka fashion show toh ‘Ardour’ laga theme bithor te lobole ase .
Tai khan aro koishe etu show nohoa akhe dui ghonta te venue te stalls khan laga sale thakibole ase etu te jewelries, clothes, leathers aro accessories khan thakibo.
NM members te Pelevino Rupreo, Miss Kohima 1st Runners up, 2017-18, Moile Longkongly, Miss Phom 2017-18, (District SVEEP election Icon Longeleng, 2018-19), Kepenshi Thongliu, 1st runners up, Miss Tikhir 2017-18, (District SVEEP election Icon, Kiphire 2018-19), Neitho Khamo aro Theja Sekhose ase.
Etu show laga tickets daam toh rupees 2000 donors aro general nimete 500 rupees te thakibo.Tickets khan toh Lady Ruo aro Theja Sekhose Store te thakibo.
Add Comment