July 16, 2023 : Nagaland laga Congress Committee President S. Supongmeren Jamir ekta exclusive interview tey, NLTV logotey janai di asey itu points kuntu toh hoiley Delhi tey meeting hoa tey kotha kurishey, AICC para itya ahi thaka Parliamentary Election, Uniform Civil Code, Manipur tey Jhamela hoa opor tey.
Tai para koishey ki, UCC toh hoiley northeast tey nahibo lagey koi kena, New Delhi tey meeting lao homoi tey koishey, aru RSS laga ideology toh northeast tey ahiboley nadiboley nimitey, parliament tey election hoboley laga homoi tey bhal para khara hoboley lagey koi kena janaishey, congress high command para mati kena New Delhi tey congress leader khan lgotey meetin kurishey.
Supongmeren Jamir para koishey, “Northeast khan bhi bhabana keneka asey na koi kena leaders khan share kurishey, 21 law commission para ki koishey sob khara asey koishey, Northeast nimitey toh itu UCC toh nahobo lagey koikena decide kurishey, aru sob Northeast tey congress laga organization toh keneka asey, aru itya parliamentary laga election bhi ahiboley asey itu para nijor nijor laga state laga bhabana bhi hudi thakishey, aru tai khan bhi para tak Northeast tey itya itu Manipur tey keneka dikdar di asey itu kot para ahishey, moi khan sob jani asey, aji Manipur tey asey, kali Nagaland tey hobo, porsung Assam tey bhi hobo parey, pura Northeast laga state tey hoi jabo pari asey, itu para RSS laga ideology toh ki ki hoilebi, Northeast tey ekbar bhi ahiboley diboley nalagey, aru itu nimitey Northeast khan toh hoiley mili kena especially itu 2024 laga Parliamentary election tey job dibo lagey koi kena, sob discuss kuri kena thakishey, itya para milikena ami khan ki kuri asey itu sob ekjon ekjon ke khobor kuri kena kaam toh kuribo koikena tatey para dismiss kurishey.
Add Comment