Nagaland Laga Contractor Para Dimapur Laga Raasta Repair Kuriboley Koishey, November Tak Tey

October 20, 2024, 06:24 PM : Dimapur bhitor tey raasta laga condition biya thaka para, (Dillai to Hotel Tragopan junction) osor phaney, itu 2023-24 laga saal nimitey, itya chuli thaka kaam tey, duita lane pavement laga, kuntu toh hoiley Dimapur city laga portion laga raasta toh majbut kuriboley asey, tai khan para Dimapur laga raasta khan bhi banboley laga koishey. Zeliang para inform kurishey ki, itu department toh hoiley ekta notice issue kurisheyitu contractor khan ke, phat para kaam toh kotom kuriboley. Tai para warn kurishey ki, judi itu contractor para itu koa laga hisap tey nakurishey koiley, itu contract toh hoiley terminate kuridiboley asey aru notun contractor ke dhali dibo utu laga jaga tey, koishey. Zeliang para tai satisfy thaka laga express kurishey, itya banai thaka laga Raasta laga progress aru quality toh bhal asey koi kena, itu Road Over Bridge tey. Tai para National Highways aru Infrastructure Development Corporation (NHIDCL)  para restrict kuria para diri hoa laga acknowledge kurishey, kuntu para toh hoiley gari khan aha jawa kuria ke dikdari kuri di kena thakishey, itu Dimapur bypass raasta tey, Patkai Junction jawa laga toh. Eneka thakilebi, bar bar para itu state government para appeal kuria pichetey, tai para koishey, gari khan aha jawa kuriboley diya toh permit kuri dishey, judi bhi itu raasta toh official para inaugurate kuriboley aru bhi baki asey. Zelian para janaishey ki, itu contractor para toh hoiley agey para urge kuri kena thakishey, itu project toh expedite kuriboley, itu November laga deadline tey khotom hoboley, particular para itya Hornbill Festival aru festive season khan ahiboley thaki kena.