Nagaland Laga DMC Laga Notun Complex Tey, Dimapur New Market Laga Photo Khan Augment Kuriboley Set Asey

October 19, 202, 05:12 PM : Ekta notun market complex Dimapur, west side phaney New Market laga toh hoiley pois kurishey, itu market infrastructure improve kuriboley, ekbar khotom hoa pichetey.Itu chuli thaka market complex laga construction tey toh hoiley approximate para 18,000 square feet thakiboley asey aru ekbar itu complete hoi jawa pichetey, tatey 230 ducan kuria manu khan ducan kuriboley paribo koishey. SDO – Avika I Zhimomi para inform kurishey ki, itu project toh hoiley DMC laga aru bhi dangor strategy laga part asey, revamp kuriboley commercial area khan ke, particular para New Market area tey, kuntu tey toh hoiley bishi lamba homoi para lagi thaka laga bhabana kurishey. Avika para koishey, itu market project complex laga ground floor toh hoiley 12 muhina tey para first hoi jaboley laga expect kuri asey. Eneka thakilebi itu weather condition biya thaka para itu toh hoiley itya extend kuri di kena asey. Itu ground floor toh hoiley itya toh 14 muhina tey hey complete hoboley asey, aru itu full project anticipate kuria toh hoiley March nahoilebi April tey para hoi ready hoi jabdoley asey, tai para koishey. Itu pura project toh hoiley dui saal para bishi wala lagiboley laga expect kuri asey, tatey eku major diri hoa lagan ai, fund khan laga related tey. Avika laga hisap tey, ekta Rs 3 crore poisa toh hoiley loi- loi kena asey till date tak, allotee khan para, security deposit under tey.