Nagaland • Niuland

Nagaland laga Governor Nand Kishore Para Niuland Visit Kurishey

19 hours ago

May 05, 2026, 6:26 PM:  Nagaland laga Governor – Nand Kishore Yadav para Niuland District visit kurishey aru Civil Society Organizations laga Leader khan aru Government Department laga Official khan logotey interaction kurishey, 5th May, 2026 tey, DC laga Conference Hall, Niuland tey. Governor para tai laga address tey, tai laga mon chuwa laga gratitude express kurishey, itu sob dignitary khan aru tribal representative khan/ organization khan ke, tai khan laga participation nimitey aru tai para itu district administration ke commend kurishey, successful para itu meaning thaka interaction toh organize kuria nimitey.

Yadav para mention kurishey ki, Niuland toh hoiley Nagaland laga sob laga notun district majetey ekta thaka para yatey toh bishi promises aru potential bukhey, tai para itu bhi koishey ki, tai itu manu khan bhitor tey – unity, identity aru purpose laga strong sense dikha para encourage hoishey. Itu alag alag tribal body khan aru community organization khan eke aha para itu cooperation aru harmony laga spirit reflect kurey, kuntu toh hoiley essential asey, progress aru development nimitey.

Tai para koishey ki, tai itu district tey visit kuria toh hoiley aspiration khan, challenges khan aru priority khan bujiboley karney itu laga effort asey, itu manu khan laga, itu grassroot level tey, aru tai para add kurishey ki, Development toh hoiley kitya inclusive aru responsive thakey local need khan karney utu homoi tey hey bishi wala effective thakey.

Tai para shanti maintain kuria, community bond khan majbut kuria aru integrity aru responsibility laga value khan nurture kuria laga importance bhi emphasize kurishey.

Itu Health aru Family Welfare laga Department para Dr. Rosemary Sema, Medical Officer aru School Education Department  para Dr. O. Amihe Swu, TOT, ENRC Niuland, para achievement khan, undertaking khan aru challenges khan highlight kurishey, tai khan laga respective department khan laga, itu Power Point Presentation through para.

Western Sumi Hoho laga President – Vikato Achumi, K. Yimso, President, Yimkhiung Arihako Niuland aru Isawoto Zhimomi, President, Niuland District GBs Association para khata speech khan deliver kurishey aru Niuland Town Sumi Totimi Loka para ekta Folk Ganna present kurishey.

Itu program toh hoiley , Deputy Commisioner Niuland, T. L. Kiusumong Tikhir para chair kuria laga thakishey.